Shefi i OKB-së do të vizitojë Putinin në Moskë dhe Zelenskyn në Kiev

United Nations Secretary General Antonio Guterres speaks during a press briefing at United Nations Headquarters on February 4, 2020 in New York City. (Photo by Angela Weiss / AFP) (Photo by ANGELA WEISS/AFP via Getty Images)

07:52 | 23 Prill 2022
Trina Galanxhi

Sekretari i Përgjithshëm i Kombeve të Bashkuara, Antonio Guterres do të takohet me liderët rusë dhe ukrainas javën e ardhshme.

Guterres pritet të takohet me presidentin rus Vladimir Putin dhe të ketë një takim pune dhe drekë me ministrin e Jashtëm Sergei Lavrov në Moskë, transmeton portal arbresh.info

Ai do të udhëtojë edhe për në Kiev dhe do të takojë Presidentin ukrainas Volodymyr Zelensky dhe Ministrin e Jashtëm Dmytro Kuleba.

Shefit të OKB-së i është bërë presion kohët e fundit për të marrë një rol më aktiv në ndërmjetësimin e konfliktit.

Në letrat drejtuar të dy udhëheqësve përmes misioneve të tyre në OKB, ai bëri thirrje për diskutime të “hapave urgjente për të sjellë paqen në Ukrainë dhe të ardhmen e multilateralizmit”.

Si Rusia ashtu edhe Ukraina janë anëtarë themelues të OKB-së./arbresh.info/